Pryznačanaja na siońnia sustreča z zajaŭnikami Dnia voli admienienaja, paviedamiŭ zajaŭnik ad ruchu «Za svabodu» Alaksandr Rusievič. Pa jahonych słovach, jamu patelefanavali ź Minharvykankama, paviedamlaje pres-słužba arhanizacyi.
Dzień Voli ŭ 2016 h., fota Siarhieja Hudzilina
«Mnie pazvanili i skazali, sustrečy nie budzie. «Daviadziem da vas našaje rašeńnie va ŭstanoŭlenym zakonam paradku», - skazaŭ sajtu Pyx.by Alaksandr Rusievič.
Heta značyć, što adkaz zajaŭniki, chutčej za ŭsio atrymajuć pa pošcie.
«Ułady pavodziać sabie biezadkazna, - prakamientavaŭ hetaje rašeńnie Minharvykankama namieśnik staršyni Ruchu «Za Svabodu» Juryj Mielaškievič. - Za toj čas, što zastaŭsia, vielmi ciažka budzie prainfarmavać ludziej pra maršrut i dziejańni pad čas akcyi».
Adpaviedna, dadaŭ jon, «vierahodnaść niepradkazalnaha scenaru pavialičvajucca». «Asabliva ŭ situacyi, kali bolšaść lidaraŭ apazicyi znachodziacca za kratami», - zaklučyŭ Mielaškievič
