«Vy dakazali, što vas viaduć nie lidary, a vašy honar i hodnaść», — takimi słovami źviarnuŭsia vyzvaleny z KDB lidar biełaruskaj apazicyi Mikoła Statkievič da ŭdzielnikaŭ pratestaŭ na Dzień Voli.
Jon paprasiŭ prabačeńnia, što nie zmoh być razam ź ludźmi — «nie pa svajoj voli».
Na jahonuju dumku, dziejańni ludziej 25 Sakavika dakazali rost palityčnaj i hramadzianskaj śviadomaści hramadzian.
«My, biełarusy, saśpieli da taho, kab zrabicca paŭnavartasnaj svabodnaj jeŭrapiejskaj nacyjaj», — skazaŭ Statkievič.
Try dni jon pravioŭ u adzinočcy ŭ turmie KDB. Zatrymali jaho 23 sakavika na kanśpiratyŭnaj kvatery na vulicy Łabanka ŭ Minsku. Jamu było vystaŭlenaje abvinavačvańnie ŭ padrychtoŭcy masavych biesparadkaŭ, ale 27-ha ŭranku jon byŭ vyzvaleny — taksama niečakana, jak i aryštavany.
