U apošni tydzień sakavika zachavajecca niaŭstojlivy charaktar nadvorja, źviazany z chutkim pieramiaščeńniem frantalnych raździełaŭ i abłaściej pavyšanaha atmaśfiernaha cisku, tak što soniečnyja dni buduć čarhavacca z pachmurnymi, nie abydziecca biez apadkaŭ.
Tempieraturny fon na praciahu pracoŭnaha tydnia budzie ŭtrymlivacca kala klimatyčnaj normy, tolki pa paŭdniovym zachadzie krainy krychu vyšej za normu. Prahnoz na tydzień TUT.BY raspaviała namieśnik načalnika słužby mietearałahičnych prahnozaŭ Śviatłana Rybakova.
U aŭtorak, 28 sakavika, nočču i ranicaj pad upłyvam frantalnaha raździeła pa paŭnočna-ŭschodniaj pałovie respubliki projduć karotkačasovyja apadki (doždž, mokry śnieh). Dniom z rostam atmaśfiernaha cisku budzie pieravažna biez apadkaŭ. Na bolšaj častcy terytoryi krainy zachavajecca paryvisty viecier. Tempieratura pavietra minimalnaja nočču 0 … + 6°S, maksimalnaja dniom + 4 … + 10°S, pa paŭdniovym zachadzie krainy pavietra prahrejecca da + 11 … + 15°S.
U sieradu, 29 sakavika, nočču ŭ vobłaści pavyšanaha atmaśfiernaha cisku budzie pieravažna biez apadkaŭ, pry nievialikaj vobłačnaści padmarozić da 0 … -6°S. Ranicaj i dniom čarhovaja sistema frantalnych raździełaŭ, jakija pieramiaščajucca z Bałtyjskaha mora, abumović na bolšaj častcy terytoryi našaj krainy karotkačasovyja apadki (doždž, mokry śnieh), maksimalnaja tempieratura pavietra ŭdzień składzie + 2 … + 9°S; u paŭdniova-zachodnich rajonach tempieraturny fon trochi vyšej - nočču + 1 … + 4°S, dniom + 10 … + 15°S.
U čaćvier, 30 sakavika, nočču pad upłyvam frantalnych raździełaŭ na bolšaj častcy terytoryi projduć karotkačasovyja apadki (doždž, mokry śnieh), u asobnych rajonach mahčymy słaby hałalod. Dniom nadvorje palepšycca i budzie ŭ asnoŭnym biez apadkaŭ, tolki pa ŭschodzie krainy adychodziačy front vykliča karotkačasovyja apadki. Tempieratura pavietra minimalnaja nočču składzie ad -4°S pa poŭnačy da +5°S pa poŭdni, maksimalnaja dniom + 2 … + 8°S, pa paŭdniovym zachadzie da +10°S.
U piatnicu, 31 sakavika, atmaśfiernyja franty abumoviać nočču pieravažna pa zachodniaj pałovie, ranicaj i dniom na bolšaj častcy terytoryi respubliki karotkačasovyja apadki (doždž, mokry śnieh). Nočču i ranicaj padmarozić, tak što na asobnych učastkach daroh mahčyma ŭtvareńnie hałalodzicy. Tempieratura pavietra ŭnačy panizicca da 0 … -6°S, maksimalnaja tempieratura dniom + 2 … + 9°S; pa paŭdniovym zachadzie krainy nočču + 1 … + 6°S, dniom + 10 … + 15°S.
U pieršyja krasavickija vychodnyja pryjdzie viasnovaje ciapło.
Z paŭdniova-zachodnimi patokami da nas pačnie pastupać ciopłaje pavietra, i tempieraturny fon pavysicca. U asobnych rajonach, pieravažna pa paŭnočnaj pałovie krainy, nie abydziecca biez karotkačasovych daždžoŭ.
