Andrej Komlik-Jamacin — adzin ź fihurantaŭ «spravy patryjotaŭ». Jaho zatrymali 22 sakavika, z taho času jon znachodzicca ŭ SIZA KDB.
Žonka Anastasija pieradała ŭ redakcyju «Našaj Nivy» list Andreja, adrasavany joj i synu, z kranalnym vieršam.
Miłaja žonačka, radaść maja,
Kachaju ciabie ja bolej žyćcia!
Dumki maje, niby ptuški imknucca,
Laciać da ciabie…bo chaču dakranucca
Da vusnaŭ tvaich i piaščotna abniać,
Nie ŭ marach, a spraŭdy ciabie całavać
U miłyja vočy, niby ŭ aziory,
Hladziecca. I z Vasiem hulać na prastory,
Pačuć jaho ščebiet, niby ptušaniatki,
Kab znoŭ jon niaŭmieła pakročyŭ da tatki.
Andrej Komlik-Jamacin minčuk, inžynier pa adukacyi. Razam z žonkaj zajmaŭsia vyrabam adzieńnia ŭ nacyjanalnym styli pad markaj Terram album. U pary jość maleńki syn Vasil, jamu hod i dva miesiacy.
Čytajcie taksama: List vyratavalnika Dundukova da siamji ź SIZA KDB — dušeŭna i pa-biełarusku
