U prahramie «Voskriesnoje vriemia» na rasijskim Pieršym kanale vyjšaŭ siužet, u jakim u čarhovy raz raskazvajecca pra «rusafobiju», jakaja sfarmiravałasia ŭ biełaruskim hramadstvie z dazvołu Alaksandra Łukašenki nasupierak rasijskaj ekanamičnaj dapamozie.
«Biełaruś atrymlivaje rasiejski haz vielmi niadoraha. Ciapier damovilisia pra canu 130 dalaraŭ za tysiaču kubamietraŭ. Susiedniaja Ukraina zakuplaje haz na 100 dalaraŭ daražej. Zakuplaje ŭ Jeŭropie, choć toj ža rasiejski haz. Taksama ŭ Biełaruś pastaŭlajecca rasiejskaja nafta biez myty. I nafta istotna tańniejšaja, čym na suśvietnym rynku. A heta ž subsidyi.
Ekanamisty aceńvajuć sumu takich subsidyj u siem-dziesiać miljardaŭ dalaraŭ na hod. Šmat heta ci mała dla biełaruskaj ekanomiki, z čym paraŭnać? A vielmi prosta. Ekanomika Rasiei prykładna ŭ 20 razoŭ bolšaja za ekanomiku Biełarusi. Tamu ŭ maštabach Rasiei hetyja 10 miljardaŭ pieratvarajucca ŭ 200 miljardaŭ. Heta bolš, čym Rasieja zarablaje na prodažy nafty», — havorycca ŭ siužecie, aŭtarkaj jakoha źjaŭlajecca Kaciaryna Kibalčyč.
Siarod ekśpiertaŭ siužeta — Mikoła Statkievič.
Pieršy kanał śćviardžaje, što ŭ biełaruskich ŚMI kožny tydzień vychodziać naviny pra «drennych rasiejcaŭ»:
«Rasieja źjaŭlajecca surjoznaj pahrozaj realnaj vajny dla Biełarusi». Videa telekanała «Biełsat» (Polšča). Hety telekanał vyhladaje jak biełaruski i viaščaje na biełaruskaj movie, ale na samoj spravie naležyć uradu Polščy i redakcyja znachodzicca ŭ Varšavie. Mienavita telekanał «Biełsat» voś užo niekalki hadoŭ raspaviadaje, što Rasieja płanuje zachapić usiu biełaruskuju terytoryju. Pra rasiejskaje ŭvarvańnie raspaviadajuć i inšyja biełaruskija žurnalisty. Pryčym zahałoŭki jak z adnoj mietadyčki: «Rasieja letam uviadzie vojski ŭ Biełaruś».
Redakcyja sajta «Chartyja-97» taksama znachodzicca ŭ Polščy, i heta adzin z samych papularnych resursaŭ. Usie biełaruskija vydańni, akramia dziaržaŭnych, vidavočna abo tajemna padtrymlivajucca zachodnimi hrantami».
«Alaksandr Łukašenka dazvalaje raźvivacca rusafobii, padsumoŭvaje Kaciaryna Kibalčyč. — Adnymi źnižkami na haz hety praces nie spynić».
