Biznes pa pastaŭcy narkotykaŭ z Maskvy ŭ Biełaruś sprabavaŭ naładzić 28-hadovy biespracoŭny žychar Hrodna.
Praź internet mužčyna zamaŭlaŭ partyju ŭ Maskvie, paśla jechaŭ da miažy z Rasijaj, dzie čakaŭ paviedamleńnia z kaardynatami tajnika.
Zatym haradzieniec jechaŭ u Maskvu i zabiraŭ tavar.
Jašče da viartańnia ŭ Biełaruś jon užo źviazvaŭsia sa svaim budučym pakupnikom, damaŭlaŭsia pra schovanku, atrymlivaŭ hrašovy pieravod i advoziŭ narkotyk u patrebnaje miesca.
«Na ŭsio heta ŭ mužčyny sychodziła krychu bolš za sutki, tamu jon byŭ upeŭnieny, što jaho nie zmohuć vyličyć», — adznačyli milicyjanty.
U chodzie apieratyŭna-vyšukovych mierapryjemstvaŭ milicyjanty daviedalisia prykładnyja čas i miesca viartańnia mužčyny ŭ Biełaruś. Jon byŭ zatrymany ŭ Barysaŭskim rajonie, na paŭdarozie da miesca budučaj zakładki.
U tajniku, abstalavanym u bahažniku aŭtamabila, było vyjaŭlena bolš za 300 h hašyšu i 205 tabletak asabliva niebiaśpiečnaha psichatropnaha rečyva MDPV.
Tavar pryznačaŭsia 30-hadovamu žycharu Minska, jaki zajmaŭsia roźničnym prodažam narkotykaŭ. U 17 schovankach, zroblenych minčukom raniej, kanfiskavana kala 460 h asabliva niebiaśpiečnaha psichatropnaha rečyva alfa-PVP.
Ciapier mužčyny zatrymanyja, abodvum pahražaje da 13 hadoŭ pazbaŭleńnia voli.
