Pieršy sakratar CK Kamunistyčnaj partyi Biełarusi Hieorhij Atamanaŭ napaŭ na pres-sakratara HA «Biełaruskaja asacyjacyja žurnalistaŭ» Barysa Hareckaha.
Incydent adbyŭsia paśla razhladu ŭ sudzie Centralnaha rajona Minska pozvy historyka Ihara Kuźniacova ab abaronie honaru, hodnaści i dziełavoj reputacyi. Adkazčykami pa poźvie siabra HA «BAŽ» Ihara Kuźniacova źjaŭlajecca KPB, redakcyja haziety «Kommunist Biełarusi. My i vriemia» i aŭtar publikacyi Andrej Łazutkin.
Paśla sudovaha pracesu Barys Harecki na vulicy pobač z budynkam suda sprabavaŭ sfatahrafavać adkazčykaŭ.
U hety čas Hieorhij Atamanaŭ, jaki da taho ž źjaŭlajecca pamočnikam deputata Pałaty pradstaŭnikoŭ, padyšoŭ da Hareckaha i na vačach u śviedkaŭ vybiŭ z ruk pres-sakratara BAŽ mabilny telefon, jaki ŭpaŭ na ziamlu.
Pa fakcie incydentu Barys Harecki nakiravaŭ piśmovuju zajavu va Upraŭleńnie unutranych spraŭ Leninskaha rajona Minska.
Rašeńnie pa poźvie Ihara Kuźniacova suprać KPB, haziety «Kommunist Biełarusi. My i vriemia» i Andreja Łazutkina budzie ahučanaje zaŭtra a 9.15.
