15 krasavika ŭ ahraharadku Kałodziščy ŭ dźviery piensijanierki pahrukaŭ mužčyna i prapanavaŭ kupić u jaho miod. Davierlivaja žančyna pryniesła kašalok, i tady nieznajomy vychapiŭ hrošy i ŭdaryŭ haspadyniu. Ab vyšuku padazravanaha paviedamlaje UUS Minabłvykankama.
Nieznajomy pryjšoŭ da 77-hadovaj piensijanierki subotnim dniom prykładna ŭ 13 hadzin. Kali taja vyjšła z kašalkom razhladać tavar, mužčyna vyrvaŭ partmane i zabraŭ ź jaho 200 rubloŭ.
«Piensijanierka pasprabavała pieraškodzić kryŭdzicielu, adnak toj udaryŭ jaje ŭ tvar i źbieh», — raspavioŭ aficyjny pradstaŭnik UUS Alaksandr Marčanka.
Raspačata sprava pa art. 206 Kryminalnaha kodeksa (Rabavańnie). Zaraz milicyja šukaje złačyncu. Majucca zapisy kamier nazirańnia, dzie adlustravany padazravany (mužčyna ŭ biełaj biejsbołcy).
Usich, što što-niebudź viedaje pra miescaznachodžańnie mužčyny na videa, prosiać paviedamić pra heta ŭ milicyju pa telefonach: 8 (017) 229-07-01, 8 (017) 267-61-41, 8 (029) 686-76- 90 abo 102.
Za dapamohu ŭ vyšuku hramadzianam abiacajuć ananimnaść i ŭznaharodu.
Fota i videa UUS Minabłvykankama