6 traŭnia ŭ Stolinskim rajonie zatrymali milicyjanta, jaki kiravaŭ mašynaj u niećviarozym stanie. Pra hety vypadak partału tut.by raspavioŭ aficyjny pradstaŭnik MUS Kanstancin Šalkievič.
Inśpiektary spynili kiroŭcu za pieravyšeńnie chutkaści. «Pry praviercy dakumientaŭ daišniki ŭłavili prykmiety ałkaholnaha apjanieńnia. Test pakazaŭ, što mužčyna znachodziŭsia ŭ stanie ałkaholnaha apjanieńnia», — paviedamili ŭ MUS.
Mužčyna apynuŭsia supracoŭnikam RAUS Stolinskaha rajona. U milicyi jon pracavaŭ z 2000 hoda. Padčas pjanaj pajezdki mužčyna znachodziŭsia ŭ adpačynku.
Pa słovach Šalkieviča, za kiravańnie mašynaj u niećviarozym stanie stolinskaha milicyjanta zvolniać biez prava na piensiju.
Raniej paviedamlałasia, što padčas pjanaj jazdy byŭ zatrymany načalnik Stolinskaha RAUS.
