Kandydat ad hałoŭnaj apazicyjnaj Demakratyčnaj partyi «Tabura» Mun Čže Jan nabiraje bolšaść hałasoŭ na daterminovych vybarach prezidenta Paŭdniovaj Karei.
Pa dadzienych apytańniaŭ na vychadzie z vybarčych učastkaŭ, praviedzienych tryma najbujniejšymi telekanałami krainy, Mun Čže Jan nabiraje bolš za 41% hałasoŭ.
Za jaho bližejšaha supiernika - kandydata ad kansiervatyŭnaj Karejskaj partyi svabody Chon Čžun Pchie - prahałasavali, pa papiarednich dadzienych, krychu bolš za 23% vybarščykaŭ.
U 2012 hodzie Mun Čže Jan, nahadvaje BBC News, zaniaŭ druhoje miesca na vybarach prezidenta. Pieramohu tady atrymała Pak Kyn Chie, adpraŭlenaja ŭ adstaŭku ŭ sakaviku 2017 hoda z-za karupcyjnaha skandału.
Paśla hetaha ŭ Paŭdniovaj Karei byli abvieščanyja daterminovyja vybary prezidenta.
Vyśvietliłasia, što blizkaja siabroŭka Coj (Čchvie) Sun Sil faktyčna kantralavała pracu kiraŭnika dziaržavy i mieła dostup da sakretnaj infarmacyi. Akramia taho, pa niekatorych dadzienych, Coj Sun Sil zmušała bujnyja kampanii rabić unioski ŭ źviazanyja ź joj fondy.
Pak Kyn Chie abvinavačvańni ŭ karupcyi kateharyčna admaŭlaje.
