U aŭtorak uviečary ŭ Litvu prybyŭ sakratar pa pytańniach abarony ZŠA Džejms Mecis. Hetym vizitam novaja administracyja Złučanych Štataŭ imkniecca prademanstravać svaje abaviazacielstvy ŭ śfiery biaśpieki Bałtyjskich krain na fonie zaniepakojeńnia zamiežnaj palitykaj Rasii.
Dž. Mecis u sieradu ŭ Vilni sustreniecca z prezidentam Dalaj Hrybaŭskajcie, zatym adbudziecca sustreča ź ministrami abarony troch Bałtyjskich krain. Paźniej hość naviedaje dysłakavanych u Pabrade (pad Vilniaj) vajennych ZŠA i NATO. Reahujučy na ŭvarvańni Rasii va Ukrainie, NATA ŭ hetym hodzie dysłakujecca pa mižnarodnamu bataljonu — kala tysiačy vajskoŭcaŭ - u Litvie, Łatvii, Estonii i Polščy. U ramkach asobnaj apieracyi ŭ rehijonie taksama dysłakavanaja bryhada ZŠA.
Napiaredadni vizitu Dž. Mecis skazaŭ, što znachodžańnie NATA ŭ Bałtyjskich krainach dapamahaje zabiaśpiečyć stabilnaść.
