Dzianis Bryhadzin, jak i baćka, napisaŭ kandydackuju na histaryčnuju temu — «Złačynnaść u Biełarusi ŭ druhoj pałovie XIX — pačatku XX stahodździaŭ».
U 2002 hodzie syn tahačasnaha ministra adukacyi Dzianis Bryhadzin pastupiŭ u BDU. Kandydackuju dysiertacyju jon abaraniaje amal praz 10 hadoŭ paśla zakančeńnia VNU. Abarona navukovaj pracy pryznačana na 25 traŭnia. Navukovy kiraŭnik pracy — doktar histaryčnych navuk, prafiesar, dekan histaryčnaha fakulteta BDU Alaksandr Kachanoŭski.
«Vyvučeńnie złačynnaści dazvalaje vyjavić mahčymaści dziaržavy kiravać składanymi pracesami sacyjalnaj transfarmacyi hramadstva, farmirujučy novyja normy i standarty pavodzin, duchoŭnyja kaštoŭnaści, zabiaśpiečvajučy sacyjalnuju ŭstojlivaść i cełasnaść hramadstva», — piša Bryhadzin-małodšy.
Nahadajem, što eks-ministr adukacyi Piatro Bryhadzin — doktar histaryčnych navuk. U 1971 hodzie skončyŭ histaryčny fakultet BDU. U 1978 jon skončyŭ aśpiranturu BDU i ŭ hetym ža hodzie abaraniŭ kandydackuju dysiertacyju «Kamsamoł Biełarusi — aktyŭny pamočnik partyi ŭ kulturnym budaŭnictvie (1966—1970 hh.)». U 1995 hodzie Bryhadzin napisaŭ doktarskuju dysiertacyju «Esery ŭ Biełarusi (kaniec XIX st. — luty 1917 h.)».
Zaraz Piatro Ivanavič Bryhadzin pracuje dyrektaram Dziaržaŭnaha instytuta kiravańnia i sacyjalnych technałohij BDU. Dzianis Bryhadzin u hetaj VNU pracuje viadučym juryskonsultam.
