U dyrektara Biuro pa abaronie Satśviermie (Kanstytucyi — Instytut dziaržaŭnaj biaśpieki) Janisa Majzicisa na hetym tydni skrali asabisty kampjutar. Złodziei pranikli ŭ kvateru, jakuju Majzicis aranduje.
Pradstaŭnik Biuro Ivieta Maŭra paćvierdziła infarmacyju ab kradziažy kampjutara, ale adznačyła, što sakretnaj infarmacyi ŭ im nie było. Rasśledavańniem kradziažu zajmajecca Dziaržpalicyja.
Načalnik Dziaržpalicyi Ints Kiuzis raspavioŭ, što ŭ Majzicisa vykradzienyja jašče niekalki nievialikich pradmietaŭ. Pa słovach Kiuzisa, u rajonie, dzie žyvie Majzicis, raniej kvaternych kradziažoŭ nie było. Viersij złačynstva načalnik Dziaržpalicyi vyłučać nie staŭ.
Samomu Majzicisu ciažka mierkavać, ci źviazany kradziež z arandavanaj im kvatery ź jaho prafiesijnaj dziejnaściu, skazała Maŭra.
