Sudździa Vierch-Isieckaha suda Jekaciarynburha Kaciaryna Šapaniak prysudziła błohiera Rusłana Sakałoŭskaha da troch z pałovaj hadoŭ umoŭna. Jaho pryznali vinavatym u abrazie pačućciaŭ viernikaŭ, uzbudžeńni nianaviści albo varožaści i niezakonnym abarocie pryład dla schavanaha zapisu.
Sakałoŭskamu pryznačyli vyprabavalny termin try hady.
«Vykazvańni pra toje, što Sakałoŭskaha sudziać za hulniu ŭ chramie, źjaŭlajucca niapravilnymi», - havorycca ŭ prysudzie, začytanym Šapaniak. Jana patłumačyła, što błohier u ramkach niekalkich epizodaŭ pryznany vinavatym u abrazie pačućciaŭ viernikaŭ i raspalvańni nianaviści.
Abvinavačvańnie prasiła prysudzić Sakałoŭskaha da 3,5 hoda realnaha pazbaŭleńnia voli ŭ kałonii ahulnaha režymu. Sakałoŭski svaju vinu nie pryznaŭ.
***
U vieraśni 2016 hoda Sakałoŭskaha zatrymali paśla taho, jak jon apublikavaŭ na YouTube rolik, dzie łović pakiemonaŭ u Chramie-na-Kryvi Jekaciarynburha. Zatym u spravie źjavilisia inšyja epizody abrazy pačućciaŭ viernikaŭ i ŭzbudžeńnia nianaviści albo varožaści na asnovie inšych zapisaŭ błohiera.
Pry vobšuku ŭ Sakałoŭskaha znajšli asadku z ubudavanaj videakamieraj, paśla čaho ŭ spravie źjaviŭsia artykuł ab abaračeńni špijonskaj techniki.