Minsk i Ryha siońnia ŭ Kiolnie prezientavali sumiesnuju zajaŭku na praviadzieńnie chakiejnaha čempijanatu śvietu 2021 hoda. Prezientacyja biełaruska-łatvijskaj zajaŭki prajšła pad słohanam «Zapał. Bieź miežaŭ» («Strasť. Biez hranic»), paviedamlaje BIEŁTA.
Pieršapačatkova Biełaruś płanavała samastojna zmahacca za prava pryniać płanietarny chakiejny forum-2021 i pravieści jaho na dvuch ladovych stadyjonach stalicy — «Minsk-Arenie» i «Čyžoŭka-Arenie», jak heta było ŭ 2014 hodzie. Adnak u studzieni 2017 hoda było pryniataje rašeńnie abjadnać namahańni z Ryhaj, jakaja taksama maje dośvied praviadzieńnia hałoŭnaha chakiejnaha turniru: stalica Łatvii z pośpiecham praviała čempijanat płaniety ŭ 2006 hodzie. Ciapier abodva harady majuć namier znoŭ uziać suśvietnaje pieršynstvo i na vyšejšym uzroŭni pravieści hety značny turnir. Napiaredadni hałasavańnia prezident Mižnarodnaj fiederacyi chakieja (IIHF) Rene Faziel vysoka acaniŭ šancy Minska i Ryhi.
Sapiernikam biełaruska-łatvijskaha prajekta budzie Finlandyja, jakaja płanuje pravieści ČS-2021 u Tampere i Chielsinki. Ich prezientacyja prajšła siońnia ŭ Kiolnie pierad pieršymi čvercfinałami čempijanatu śvietu-2017.
Tam ža zaŭtra, 19 maja, projdzie hałasavańnie, paśla jakoha i vyznačycca haspadar chakiejnaha čempijanatu śvietu 2021 hoda. U vybarach voźmucb udzieł pradstaŭniki 67 nacyjanalnych chakiejnych asacyjacyj, jakija ŭvachodziać u IIHF.
Nastupny płanietarny forum projdzie ŭ 2018 hodzie ŭ Danii (Kapienhahien, Chierninhu), ČS-2019 prymie Słavakija (Bracisłava. Košyce), u 2020 hodzie haspadarom chakiejnaha ČS budzie Šviejcaryja (Ciurych, Łazana).
