Pra heta paviedamiła siońnia žurnalistam načalnik upraŭleńnia ahulnaj siaredniaj adukacyi Minadukacyi Śviatłana Uklejka.
«Adbylisia niaznačnyja źmieny. Skaročana na adnu hadzinu kolkaść hadzin vyvučeńnia chimii ŭ siomym kłasie, ale pavialičana kolkaść hadzin na vyvučeńnie matematyki ŭ siomym kłasie ŭ siarednich škołach — zamiest čatyroch hadzin budzie piać. U vośmym i dziaviatym kłasach budzie taksama pavialičana ŭ nastupnyja hady», — raspaviała Śviatłana Uklejka.
Jana patłumačyła, što pa kolkaści hadzin vyvučeńnie matematyki ŭ siomych kłasach u škołach pryraŭniali da himnazij, bo navučalnaja prahrama dla hetych ustanoŭ adnolkavaja.
«Heta hadzina pavialičana, kab dać mahčymaść navučencam škoł, jak i himnazistam, mahčymaść adpracavać materyjał na praktycy», — dadała načalnik upraŭleńnia.
