Prezident ZŠA Donald Tramp, upieršyniu vystupajučy na samicie NATA, zaklikaŭ aljans bolš układvacca ŭ baraćbu z teraryzmam, niekantrałalavanaj mihracyjaj i pahrozy z boku Rasii, piša VVS.
«U budučyni NATA pavinna nadać bolš uvahi teraryzmu, imihracyi, a taksama jak pahrozam z boku Rasii i na ŭschodnich i paŭdniovych miežach NATA», — skazaŭ Tramp.
Jon taksama ŭ čarhovy raz zaklikaŭ členaŭ NATA płacić nieabchodnuju dolu za zabieśpiačeńnie biaśpieki ŭ ramkach aljansu, padkreśliŭšy, što niekatoryja zapazyčyli «vielizarnaju kolkaść hrošaj».
Členy aljansu pahadzilisia z prapanovaj Trampa bolš aktyŭna ŭdzielničać u pracy, jakuju jon uznačalvaje ZŠA kaalicyi pa baraćbie z ekstremisckaj hrupoŭkaj «Isłamskaja dziaržava».
Zrešty, Francyja i Hiermanija nastojvajuć, što heta rašeńnie ŭ asnoŭnym nosić simvaličny charaktar.
Hienieralny sakratar NATA Jens Stołtenbierh zajaviŭ, što členy aljansu pavinny bolš dapamahać kaalicyi ŭ tym, što tyčycca abmienu infarmacyi i zapraŭcy samalotaŭ u pavietry.
«Heta stanie mahutnym palityčnym sihnałam ab prychilnaści NATA da baraćby suprać teraryzmu, a taksama palepšyć kaardynacyju ŭnutry kaalicyi — adnak, heta nie značyć, što NATA budzie ŭdzielničać u bajavych apieracyjach», — zajaviŭ jon.
