Alaksandr Łukašenka 25 maja padpisaŭ ukaz № 187 «Ab respublikanskaj sistemie manitorynhu hramadskaj biaśpieki», jaki stvoryć centralizavanuju sistemu videamanitorynhu ŭ Biełarusi. Upaŭnavažana za vykanańnie ŭkaza MUS. Pra heta paviedamlaje pres-słužba prezidenta
Asnoŭny novaj sistemy zadačaj nazvana «nazirańnie za stanam hramadskaj biaśpieki ŭ metach zabieśpiačeńnia hramadskaha paradku, prafiłaktyki, vyjaŭleńnia, raskryćcia i spynieńnia złačynstvaŭ, inšych pravaparušeńniaŭ, vyšuku asob, jakija ich učynili, i asob, bieź viestak źnikłych, papiaredžańnia i likvidacyi nadzvyčajnych situacyj».
Dla hetaha ŭ sistemie manitorynhu buduć funkcyjanavać prahramnaje zabieśpiačeńnie videaanalityki i śpiecyjalnyja detektary, jakija dazvalajuć zafiksavać peŭnyja padziei. Płanujecca stvareńnie videaarchiva z mahčymaściu pošuku nieabchodnaj infarmacyi.
Miarkujecca taksama aŭtamatyzavanaje infarmavańnie dziaržorhanaŭ sistemy harantavańnia biaśpieki «pra nastup padziej, jakija ŭpłyvajuć na hramadskuju biaśpieku». Pravam atrymlivać infarmacyju, zafiksavanuju sistemaj manitorynhu, nadzialajucca i inšyja subjekty zhodna ź ich kampietencyi.
Nahadajem, rašeńnie ab stvareńni Respublikanskaj sistemy manitorynhu hramadskaj biaśpieki było pryniata ŭ sakaviku na naradzie ŭ prezidenta.
