Troje biełarusaŭ zahinuli ŭ DTZ u horadzie Bieraźniki ŭ Piermskim krai Rasii. Hetuju infarmacyju paćvierdzili ŭ pres-słužbie MZS Biełarusi.
«Pasolstva Biełarusi ŭ Rasii zajmajecca hetaj situacyjaj», — prainfarmavali ŭ pres-słužbie.
Jak paviedamiła pres-słužba HU MUS Rasii pa Piermskim krai, 27 maja ŭ 19.50 u horadzie Bieraźniki pa vuł. Piacihodki ŭ napramku aŭtadarohi Pierm — Bieraźniki ruchaŭsia aŭtamabil Mitsubishi L-200 pad kiravańniem mužčyny 1988 hoda naradžeńnia. Pavodle papiaredniaj infarmacyi, kiroŭca ŭsiedarožnika, prajechaŭšy 150 m ad doma №150, vyjechaŭ na pałasu sustrečnaha ruchu, dzie sutyknuŭsia z aŭtobusam MAZ.
U vyniku DTZ vadziciel aŭtamabila i dva jaho pasažyry (1983 i 1985 hadoŭ naradžeńnia) pamierli na miescy, jašče dva pasažyry (1973 i 1969 hadoŭ naradžeńnia) atrymali traŭmy roznaj stupieni ciažkaści. Akramia hetaha, byli traŭmavanyja dva pasažyry aŭtobusa. Usie paciarpiełyja špitalizavany.
