Eks-kandydat u prezidenty Biełarusi Taćciana Karatkievič raskazała ŭ intervju «Kamsamolskaj praŭdzie», što ŭ pačatku 2017 hoda raźviałasia z mužam.
Šlub ź Vitalom Karatkievičam praciahnuŭsia 16 hadoŭ. Taćciana paznajomiłasia ź im na sieminary ŭ Vilni. Palityk raskazvała, što jaje muž pracuje aŭtaślesaram — źbiraje mašyny chutkaj dapamohi.
«My razyšlisia praz roznyja pohlady na kaštoŭnasnyja momanty. Šlub trymajecca na prostych rečach, jakija vy lubicie rabić razam: kamunikavać, hladzieć kino, padarožničać. Nastupiŭ momant, kali my ŭ hetym razyšlisia, — patłumačyła Karatkievič. — Moj vybar byŭ prosty: kali adnosiny nie jakasnyja, nie prynosiać bakam sapraŭdnaha dabrabytu i ŭzajemnaha spakoju, upeŭnienaści, nie vidać pierśpiektyŭ — ich treba spyniać».
Karatkievič zapeŭnivaje, što razvod nie źviazany ź jaje palityčnaj karjeraj. Jana zastałasia žyć z mamaj i 13-hadovym synam Jelisiejem.
Taćciana, Vital i Jelisiej.
«Z byłym mužam my zachavali spakojnyja adnosiny, jon kamunikuje z synam, starajemsia, kab dla dziciaci heta byŭ minimalny stres», — raskazvaje palityk.
Pa słovach Karatkievič, novych adnosinaŭ u jaje pakul niama.
