Pahadnieńnie ź ES moža być padpisana da kanca hetaha hoda, u hetym vypadku ŭžo z 1 studzienia 2018 hoda šenhienskaja viza dla biełarusaŭ moža patańnieć da 35 jeŭra.
Pra heta paviedamiŭ u efiry internet-telebačańnia sb.by načalnik Departamienta pa hramadzianstvie i mihracyi MUS Biełarusi pałkoŭnik milicyi Alaksiej Biahun.
- Kali da kanca 2017 hoda budzie padpisana pahadnieńnie, to, mahčyma, užo z 1 studzienia 2018 hoda šenhienskaja viza dla biełarusaŭ budzie kaštavać 35 jeŭra (zaraz heta 60 jeŭra). U červieni projduć čarhovyja i, dumaju, kančatkovyja kansultacyi ź Jeŭrapiejskim sajuzam, — patłumačyŭ TUT.BY Alaksiej Biahun, načalnik Departamienta pa hramadzianstvie i mihracyi MUS.
Jon taksama adznačyŭ, što paśla ŭstupleńnia ŭ siłu pahadnieńnia šenhienskija vizy biełarusy zmohuć atrymlivać na bolš doŭhi termin, u tym liku na 3 i 5 hadoŭ.