Fota Iryny Arachoŭskaj
U Biełarusi siaredniaja siamja ŭ pieršym kvartale vałodała sumaj 983,5 rubla ŭ miesiac. Pra heta paviedamlaje Biełstat pa vynikach vybaračnaha abśledavańnia chatnich haspadarak pa ŭzroŭni žyćcia. U haradach i pasiołkach haradskoha typu hety pakazčyk byŭ na ŭzroŭni 1 053,9 rubla ŭ miesiac, u sielskich nasielenych punktach - 798 rubloŭ.
Najaŭnyja resursy siemjaŭ prykmietna adroźnivajucca pa rehijonach. Bolš za ŭsio jany składajuć u Minsku — 1333 rubli ŭ miesiac, a najmienš - u Viciebskaj vobłaści (882,3 rubla).
Hrašovyja raschody ŭ pieršym kvartale hetaha hoda ŭ raźliku na chatniuju haspadarku skłali 920,5 rubla ŭ miesiac, ź jakich 704,3 rubla (76,5%) prypadaje na spažyvieckija vydatki.
U struktury spažyvieckich raschodaŭ chatnich haspadarak dola raschodaŭ na charčavańnie skłała 41,7%, na kuplu niecharčovych tavaraŭ - 29,8%, na apłatu pasłuh - 25,5%.
