Prakuratura Ńju-Jorka vystaviła abvinavačańni ŭdzielnikam złačynnaj hrupoŭki, jakoj kiravali «zładziei ŭ zakonie» Ražden Šułaja i Zurab Džanašvili.
Pavodle amierykanskich ŚMI, hrupu 33 aryštavanych udzielnikaŭ «rasijskaj mafii» padazrajuć u raznastajnych złačynstvach, uklučna z handlem narkotykami i padrychtoŭkaj zakaznoha zabojstva.
Pavodle śledčych, hetaja «bujnaja złačynnaja hrupoŭka ad Brajtan-Bič da Łas-Viehasa» zajmałasia podkupam, azartnymi hulniami, rychtavała zakaznoje zabojstva, vykradała piersanalnyja dadzienyja, ździajśniała machlarstvy z kredytnymi kartami, zajmałasia niezakonnym abarotam ahniastrelnaj zbroi i narkotykaŭ. Złačyncam pahražajuć praciahłyja turemnyja terminy.
Bolšaść udzielnikaŭ hrupoŭki naradzilisia ŭ SSSR. Mnohija ź ich padtrymlivali suviazi z Hruzijaj, Ukrainaj i Rasijaj. Jany rehularna pryjazdžali ŭ hetyja krainy postsavieckaj prastory i pieradavali źviazanym z hrupoŭkaj asobam hrošy, atrymanyja złačynnym šlacham.
