Raskamnahlad pradpisaŭ pravajdaram zabłakavać rasijski damien pošukavika Google (google.ru). Užo viadoma, što damien zabłakavali pravajdery TTK, «Akada», maskoŭski pravajder «AVAKS» i pieciarburhski Sumtel.
Pres-sakratar Raskamnahlada Vadzim Ampiałonski zajaviŭ, što pra błakavańnie Google daviedaŭsia ad žurnalistaŭ.
Jak zajaviŭ kiraŭnik Raskamnahlada Alaksandr Žaraŭ, Raskamnahlad zapatrabavaŭ zabłakavać Google, pakolki «zabaronienaja» spasyłka viała na sajt bukmiekierskaj kantory. Pavodle jaho słoŭ, prablema ŭžo vyrašanaja, choć sajt u karystalnikaŭ pa-raniejšamu nie hruzicca. Akramia taho, sa słoŭ Žarava niezrazumieła, čamu damien vyrašyli błakavać ciapier, a nie ŭ 2016 hodzie.
***
Google u Rasii byŭ zabłakavany kala troch hadzin. Jak paviedamiŭ «Mieduzie» adzin z pravajdaraŭ, nie paźniej za 13:14 damien źjaviŭsia ŭ vyhruzcy, i nie paźniej za 16:15 jaho adtul prybrali. Za hety čas mnohija pravajdary, u tym liku bujnyja TTK i «Akada», paśpieli zabłakavać rasijski damien Google, i karystalniki stali skardzicca na toje, što sajt niedastupny. Pravajdary błakavali google.ru, a nie asobnuju staronku, na jakuju viadzie spasyłka, bo Google vykarystoŭvaje biaśpiečny pratakoł https (http) — z-za hetaha sajt moh być zabłakavany tolki całkam. Paśla błakavańnia apieratary stali cikavicca ŭ Raskamnahlada, čamu toj rasparadziŭsia błakavać Google. U vyniku sajt razbłakavali.
