U parłamiencie Kyrhyzstana deputaty-mužčyny syšli ź plenarnaha pasiadžeńnia, na jakim abmiarkoŭvalisia pravy žančyn.
Na pasiadžeńnie zarehistravalisia bolš za 90 deputataŭ, ale pierad pačatkam kala 80 mužčyn-deputataŭ adzin za adnym pakinuli zału, piša kirhizskaje vydańnie Kloop.kg. Na pasiadžeńni, u vyniku, prysutničali 15 deputataŭ, siarod jakich było tolki niekalki mužčyn.
Pa słovach dyrektara Asacyjacyi kryzisnych centraŭ Tałkun Tulekavaj, što prysutničała na pasiadžeńni, deputaty-mužčyny stali sychodzić paśla taho, jak było abvieščana, što abmiarkoŭvacca buduć pravy žančyn.
U svaju čarhu adzin z deputataŭ-mužčyn, jaki zarehistravaŭsia dla ŭdziełu ŭ pasiadžeńni, paviedamiŭ Kloop.kg, što syšoŭ dziela sustrečy z vybarščykami. Inšy siabra parłamienta patłumačyŭ svajo adsutnaść tym, što pasiedžańnie ab pravach žančyn było pieraniesienaje na hadzinu i jon nie zmoh zastacca z-za zapłanavanych sustreč.
