MTZ-50 i banknota ŭ 200 donhaŭ.
Na vjetnamskaj banknocie ŭ 200 donhaŭ ($0,0087) namalavany traktar «Biełarus». Hetyja hrošy byli vypuščanyja ŭ 1987 hodzie i znachodziacca ŭ abaračeńni dahetul, chacia i nie ŭjaŭlajuć vialikaj kaštoŭnaści.
200 donhaŭ. Kab nabyć 1 dalar, treba 100 takich!
Na kupiury vyjaŭleny traktar MTZ-50, raspracavany ŭ kancy 1950-ch. Minski traktarny zavod vyrablaŭ taki mašyny z 1962 pa 1985 hod. Ahułam vyrablena bolš za 1,2 młn MTZ-50.
Jak biełaruski traktar źjaviŭsia na vjetnamskich hrašach?
«Kali ŭ Vjetnamie pravodziłasia prahrama miechanizacyi sielskaj haspadarki, naša kraina atrymała biełaruskija traktary, jakija vielmi dobra siabie zarekamiendavali, — raspaviadaje Kaa Dyk Fat, ministr sielskaj haspadarki Vjetnama. — Takim čynam, jany stali dla nas uvasableńniem prahresu ŭ ahrarnaj śfiery. Mienavita tamu było vyrašana vykarystoŭvać vyjavu vašaha traktara na našych hrašach».
Darečy, siońnia 1 dalar kaštuje 22744 vjetnamskija donhi. Amal stolki ž biełaruskich rubloŭ (20051) 1 dalar kaštavaŭ u Biełarusi hod tamu, napiaredadni denaminacyi.
