Siarhiej Strybulski. Fota z sacsietak
Uviečary 27 červienia na svabodu ź SIZA-1 vyjšaŭ Siarhiej Strybulski. Jamu źmieniena miera strymańnia na padpisku ab niavyjaździe i naležnych pavodzinach.
Siarhieju Strybulskamu, zatrymanamu 21 sakavika ŭ miežach kryminalnaj spravy «ab padrychtoŭcy masavych biesparadkaŭ», paźniej było pradjaŭlena dadatkovaje abvinavačvańnie pa artykule 287 KK «Stvareńnie niezakonnaha ŭzbrojenaha farmavańnia». 24 traŭnia jamu byŭ padoŭžany termin utrymańnia pad vartaj na dva miesiacy.
Paśla taho, jak KDB spyniŭ spravu pa častcy 3 artykuła 293 KK, jon zastavaŭsia pad vartaj u miežach druhoj kryminalnaj spravy siarod 14-ci jaje fihurantaŭ.
Paźniej pravaabaroncy-viasnoŭcy atrymali paćvierdžańnie ab vyzvaleńni jašče adnaho zatrymanaha — Alaksandra Zimnickaha. Udakładniajucca źviestki adnosna inšych asobaŭ, jakija ŭtrymlivajucca pad vartaj u śledčych izalatarach MUS i KDB.
Alaksandr Zimnicki
Na voli i Uładzimir Fiodaraŭ.
Uładzimir Fiodaraŭ
Nahadajem, što paśla źjaŭleńnia infarmacyi pra katavańni ŭ SIZA KDB pravaabarončyja arhanizacyi Biełarusi zapatrabavali vyzvaleńnia z-pad varty ŭsich 14-ci fihurantaŭ hetaj kryminalnaj spravy, ukazaŭšy, što pavodle zakanadaŭstva dokazy, atrymanyja z parušeńniem zakona, nie majuć jurydyčnaj siły, nie mohuć być pakładzieny ŭ asnovu abvinavačvańnia i nie mohuć vykarystoŭvacca ŭ jakaści dakazvańnia.
