U kamitet pa ŭzbrojenych siłach Sienata ZŠA prapanavaŭ zabaranić nacyjanalnamu ministerstvu abarony vykarystoŭvać prahramnaje zabieśpiačeńnie kampanii «Łabaratoryja Kaśpierskaha», paviedamlaje Reuters.
Pa słovach aŭtara papravak u zakanadaŭstva sienatara-demakrata Džyn Šachin, «najaŭnaść suviaziaŭ pamiž «Łabaratoryjaj Kaśpierskaha» i Kramlom vyklikaje vielmi vialikuju tryvohu». Pavodle jaje słoŭ, praduktam Kaśpierskaha «nielha davieryć abaronu krytyčnych vuzłoŭ infrastruktury, asabliva kampjuternych sistem, žyćciova važnych dla nacyjanalnaj biaśpieki». Šachin dadała, što ŭ adnosinach da praduktaŭ «Łabaratoryi Kaśpierskaha» isnuje kansiensus pamiž Kanhresam i administracyjaj prezidenta Donalda Trampa.
Dla ŭstupleńnia ŭ siłu prajektu treba prajści standartnuju zakanadaŭčuju praceduru: paśla zaćviardžeńnia ŭ Pałacie pradstaŭnikoŭ i Sienacie jaho pavinien padpisać prezident Tramp.
