U kancy XIX stahodździa hetaje miesca na voziery Ratamachana na Paŭnočnym vostravie Novaj Ziełandyi pryciahvała tysiačy turystaŭ. Cudoŭny vadaspad byŭ pamieram z vaśmipaviarchovy dom, ale ŭ adnu noč u 1886 hodzie jon byŭ razburany ŭ vyniku vyviaržeńnia susiedniaha vułkana. Ličyłasia, što cud śvietu byŭ nazaŭsiody ściorty z tvaru Ziamli.
Adnak dziakujučy daśledavańniam dziońnika niamieckaha hieohrafa Fierdynanda fon Chochštetera, jaki žyŭ u XIX stahodździ, atrymałasia vyjavić miesca, u jakim raniej znachodzilisia terasy. Zapisy Chochštetera zastalisia adzinym dakładnym apisańniem hetaha miesca ź jaho prykładnymi kaardynatami i aryjencirami. Akazałasia, što terasy zusim nie byli razburany, a tolki pachavanyja pad 15-mietrovym płastom vułkaničnaha popiełu. Voziera i vakolicy mocna źmianili źniešni vyhlad, tamu z tych časoŭ i da ciapierašniaha momantu adsačyć raniejšaje miescaznachodžańnie teras było niemahčyma.
