«My pryjšli da takoj vysnovy paśla vyvučeńnia kostak. Pry žyćci jany niesumnienna byli jašče vyšejšymi, — raspavioŭ kiraŭnik centra vyvučeńnia historyi i kultury pry Šańdunskim univiersitecie Fan Chuej. — Dumaju, taki ciełaskład tłumačycca najaŭnaściu bahatych krynic charčavańnia, da jakich hetyja ludzi mieli dostup».
Cikavaja znachodka była zroblenaja ŭ chodzie raskopak, jakija praciahvajucca ŭ rajonie horada Czinań (administracyjny centr Šańdun) z 2016 hoda. Da ciapierašniaha momantu navukoŭcy vyjavili reštki bolš za 100 budynkaŭ, zvyš za 200 pachavańniaŭ i prykładna 20 achviarnych jam. Daśledčyki miarkujuć, što vyciahnutyja z-pad ziamli pareštki naležać pradstaŭnikam kultury epochi niealitu Łunšań, jakija niekali zasialali basiejn raki Chuanche.
