Suviaź pamiž aŭtamabilami — heta jašče adzin važny krok u kirunku biaśpieki, jaki robić Volkswagen dla taho, kab pamienšyć kolkaść niaščasnych vypadkaŭ na darohach i minimizavać ich nastupstvy. Z 2019 hoda Volkswagen budzie zabiaśpiečvać aŭtamabili abstalavańniem dla biespravadnoha abmienu dadzienymi, kab jany mahli paviedamlać adzin adnamu infarmacyju ab darožnaj abstanoŭcy. Paviedamleńni buduć adpraŭlacca ŭ ličanyja milisiekundy ŭdzielnikam darožnaha ruchu ŭ radyusie kala 500 m. Vadzicieli atrymajuć hukavoje i vizualnaje apaviaščeńnie ab uzrosłaj imaviernaści avaryjnaj situacyi i zmohuć apieratyŭna zreahavać, navat kali patencyjnaja pahroza idzie «z-za kuta» i znachodzicca pa-za polem zroku. Sistema budzie paviedamlać taksama ab ślizkaj darozie, zatory i inš. Abmien infarmacyjaj budzie adbyvacca jak pamiž aŭtamabilami, tak i pamiž aŭtamabilem i abjektami darožnaj infrastruktury.
Heta stanie mahčymym dziakujučy vykarystańniu technałohii rWLAN na asnovie standartu IEEE 802.11p. Funkcyjanavańnie technałohii nie patrabuje najaŭnaści pakryćcia sotavaj sietki i nie ciahnie dadatkovyja vydatki na suviazi. Technałohiju buduć vykarystoŭvać kiroŭcy, aŭtamabili z aŭtapiłotam i ekstrannyja słužby. Kali palicyja i chutkaja dapamoha taksama buduć padłučanyja — kiroŭcy zmohuć atrymlivać infarmacyju ab ich najbližejšym miescaznachodžańni.
Na dadzieny momant Volkswagen raspracoŭvaje hety aśpiekt z uładami, ministerstvam transpartu i inšymi ŭdzielnikami darožnaj infrastruktury, kab paskoryć raspaŭsiudžvańnie technałohii i ŭklučyć jaje ŭ bazavaje abstalavańnie ŭsich aŭtamabilaŭ. U toj ža čas vielizarnyja namahańni prykładvajucca, kab raspracavać adpaviednuju abaronu piersanalnych dadzienych.
