Indaniezijskija palicyjanty zmohuć stralać biez papiaredžańnia ŭ narkahandlaroŭ, jakija supraciŭlajucca pry zatrymańni ci sprabujuć źbiehčy, zajaviŭ u niadzielu prezident krainy Džok Vidoda, piša Dw.de.
«Budźcie žorstkimi, asabliva ŭ adnosinach da zamiežnych narkahandlaroŭ, jakija pryjazdžajuć u krainu. Navat kali jany ledź supraciŭlajucca aryštu — stralajcie ŭ ich», - zahadaŭ Vidoda.
Prezident dazvoliŭ indaniezijskaj palicyi źviartacca da žorstkich dziejańniaŭ paśla taho, jak supracoŭniki pravaachoŭnych orhanaŭ zastrelili žychara Tajvania, jakoha padazravali ŭ sprobie pravieści ŭ krainu narkotyki.
Zajava Vidoda vyklikała krytyku z boku pravaabaroncaŭ. Jany ličać, što palicejskija mohuć niapravilna ŭspryniać zaklik i stralać na paražeńnie ŭ padazravanych narkahandlaroŭ, navat kali jany nie akazvajuć supracivu pry zatrymańni.
