Suśvietnaje antydopinhavaje ahienctva (WADA) pryniało dva novaŭviadzieńni ŭ arhanizacyju antydopinhavaha kantrolu. Ciapier spartsmieny pavinny paviedamlać pra ŭžyvańnie ałkaholu na praciahu šaści hadzin da praviadzieńnia dopinh-kantrolu, a žančyny — jašče i pra svoj mienstrualny cykł, paviedamlaje Newsru.
«Ciapier, akramia preparataŭ, jakija ŭžyvaŭ spartsmien apošnija dziesiać dzion, dopinh-aficery pytajucca: piŭ ci nie ałkahol u apošnija šeść hadzin? I nie prosta pytajucca, a ŭnosiać u pratakoł», — cytuje ahienctva «Vieś sport» spartyŭnaha ahienta Andreja Mićkova.
Pavodle danych krynicy, infarmacyja ab užyvańni ałkaholu WADA cikavić u suviazi z tym, što jen źjaŭlajecca inhredyjentam «dopinhavaha kaktejlu» Ryhora Rodčankava, jakim eks-dyrektar maskoŭskaj antydopinhavaj łabaratoryi paiŭ rasijskich spartsmienaŭ.
«Znajomaja dziaŭčyna dasłała ŭ asabistyja jašče adnu navinku pa antydopinhu, — dadaŭ Mićkoŭ. — Ciapier — i taksama nie ź cikaŭnaści, a dla pratakołu — dziaŭčat pytajucca, kali byli krytyčnyja dni».
