Sud Centralnaha rajonu Homli maje 28 lipienia raspačać razhlad kryminalnaj spravy pa abvinavačvańni arhanizavanaj hrupoŭki ŭ chabarnictvie i pasiarednictvie ŭ dačy chabaru, złoŭžyvańni słužbovymi paŭnamoctvami, machlarstvie.
Daśledavałasia sprava UKDB pa Homielskaj vobłaści.
Pavodle versii śledztva, u skład hrupoŭki ŭvachodzili słužboŭcy Homielskaj mytni i pradstaŭniki niekatorych kamercyjnych strukturaŭ — usiaho kala dvuch dziesiatkaŭ čałaviek. Fihuranty, parušajučy biełaruskija praviły aŭtamabilnych pieravozak i rašeńnie Kamisii Mytnaha sajuzu ab prymianieńni veterynarna-sanitarnych praviłaŭ, spryjali pieravozkam sadaviny j harodniny, inšych praduktaŭ charčavańnia bieź fitasanitarnaha kantrolu z Rasiei ŭ Biełaruś i ŭ zvarotnym napramku. Za heta atrymlivali chabary j dzialili pamiž saboju. Padziei adbyvalisia dva-piać hadoŭ tamu.
Ad abvinavačanych praz abaroncaŭ i svajakoŭ stała viadoma, što nia ŭsie fihuranty spravy pryznajuć svaju vinu.
Razhlad kryminalnaj spravy maje pačacca ŭ budynku Homielskaha abłasnoha sudu ŭ druhoj pałovie dnia.