Va ŭpraŭleńni pa baraćbie z arhanizavanaj złačynnaściu i karupcyjaj Hienieralnaj prakuratury Uźbiekistana raspaviali, što aktyvy AZH, kudy, pa ich śćviardžeńni, uvachodziła Karymava, znojdzienyja na terytoryi 12 zamiežnych krain — hrošy i viły ŭ Šviejcaryi, rachunki ŭ Šviecyi, damy i rachunki ŭ Vialikabrytanii, u Francyi — kvatery i zamak Šato-de-Hruse, a taksama viły i hetak dalej.
Tut.by sabraŭ zdymki i historyju francuzskaha zamka Hiulnary — Château de Groussay.
Šato-de-Hruse (na fota) — vielizarny majontak pablizu Paryža z zamkam, asabistym opiernym teatram, parkam, paviljonami, stajniami i inš.
Zamak z vyhladu — anhlijskaja kłasika. Fota: wikipedia.org
Jak adznačajecca na aficyjnym sajcie zamka Šato-de-Hruse, jon znachodzicca za 50 km ad Paryža i byŭ pabudavany ŭ 1815 hodzie dla hiercahini Šaro, dački madam de Turziel, huviernantki dziaciej karala Ludovika XVI i Maryi-Antuaniety. Zamak byŭ pašyrany ŭ 1952 h. dvuma kryłami, adno ź jakich stała teatram. Zamak i prylehły park byli abvieščanyja histaryčnym pomnikam u 1993 hodzie.
Zamak znutry — zbor artefaktaŭ.
Fota: sortir-yvelines.fr
Fota: admagazine.ru
Foty: Picstopin.com
Biblijateka ŭ zamku. Fota: insideinside.org
Z 1938 hoda zamak naležaŭ kalekcyjanieru Šarlu de Biestehi. Mienavita Biestehi zapoŭniŭ dom dziŭnymi artefaktami. U 1999 hodzie źmieściva doma i niekatoryja parkavyja paviljony pradali z aŭkcyjonu Sotheby's.
U 1999 hodzie Hulnary Karymavaj było 27 hadoŭ, jaje baćka byŭ da taho času 9 hadoŭ kiraŭnikom Uźbiekistana. Ale ci jana kupiła zamak, ci jana druhi pakupnik — nidzie nie ŭdakładniajecca.
Fota: wikipedia.org
Fota: pinterest.com