Vice-prezident ZŠA Majk Piens u chodzie svajho vizitu ŭ Estoniju zajaviŭ, što dla troch krain Bałtyi niama bolšaj pahrozy, čym taja, jakuju ŭjaŭlaje dla ich «niepradkazalny susied», h.zn. Rasija, paviedamlaje VVS.
Pa słovach Piensa, Maskva praciahvaje «sprabavać siłaj pierakroić mižnarodnyja miažy, padryvać demakratyju ŭ suvierennych dziaržavach i nastrojvać svabodnyja krainy Jeŭropy adna suprać adnoj».
Paśla sustrečy z prezidentami Estonii, Łatvii i Litvy (krain-siabroŭ NATA) Piens zajaviŭ, što prezident ZŠA Donald Tramp maje namier praciahvać akazvać padtrymku hetym dziaržavam.
«Mocny i adziny błok NATA siońnia źjaŭlajecca bolš nieabchodnym, čym kali-niebudź z momantu padzieńnia kamunizmu čverć stahodździa tamu», — adznačyŭ vice-prezident.
«I ni adna pahroza nie navisaje nad krainami Bałtyi šyrej, čym śpiektr ahresii z boku niepradkazalnaha susieda z uschodu», — zajaviŭ Piens.
Jon taksama dadaŭ, što ZŠA hatovyja abaraniać biaśpieku prybałtyjskich krain.
