Pra heta načalnik Departamienta finansavych rasśledavańniaŭ Kamiteta dziaržkantrola Ihar Maršałaŭ zajaviŭ u intervju haziecie «Sovietskaja Biełoruśsija».
Pry kancy hutarki z nahody 25-hodździa DFR jon prakamientavaŭ hučnuju spravu apošnich dzion: zatrymańni i vobšuki ofisaŭ i aktyvistaŭ niezaležnaha prafsajuza REP.
U dosyć volnaj maniery čynoŭnik adkazaŭ, što tyja, chto šukaje ŭ dziejańniach jaho viedamstva palityčnyja matyvacyi «pierahrelisia ad haračyni»: «U ciapierašni čas rabotnikami finansavaj milicyi pravodziacca nieadkładnyja śledčyja i inšyja pracesualnyja dziejańni, nakiravanyja na dakumientavańnie supraćpraŭnaj dziejnaści słužbovych asob prafsajuza, a taksama vyjaŭleńnie inšych parušeńniaŭ zakanadaŭstva. Pa najaŭnaj u nas infarmacyi, prafsajuz praciahvaje dziejničać, jaho praca nie paralizoŭvali.
Usie, chto ŭ ładach sa zdarovym sensam, pavinny razumieć, što nijakaj «palityčnaj padaploki» u hetaj spravie niama».
Lidara prafsajuza Hienadzia Fiadyniča zatrymali ranicaj 2 žniŭnia doma. Na dopyt taksama byli zabranyja Mikałaj Hierasimienka, pres-sakratar REP, Natalla Pičužkina, Ihar Komlik. Pieratrusy prajšli i ŭ kvaterach Fiadyniča, Komlika i Pičužkinaj.
Adnačasova prajšoŭ pieratrus i ŭ Salihorsku ŭ ofisie Biełaruskaha Niezaležnaha prafsajuza i ŭ kvaterach staršyni Biełaruskaha niezaležnaha prafsajuza Mikałaja Zimina i sakratara-skarbnika BNP Śniažany Hryncevič.
Paśla dopytaŭ usich, aproč Ihara Komlika, vypuścili. Komlika pieraviali ŭ SIZA na Akreścina ŭ Minsku, biełaruskija pravaabaroncy pryznali jaho palityčnym viaźniem.
Kamitet dziaržkantrolu apublikavaŭ pres-reliz, u jakim paviedamiŭ, što raspačataja kryminalnaja sprava suprać Hienadzia Fiadyniča i Ihara Komlika. Ich vinavaciać u niaspłacie padatkaŭ u asabliva bujnym pamiery. Fiadyniču i Komliku pahražaje da 7 hadoŭ z kanfiskacyjaj majomaści.
Pravaabaronca Aleś Bialacki nazvaŭ spravu Fiadyniča pahromam niezaležnych prafsajuzaŭ pa palityčnych pryčynach.
