U karotkim roliku O'Konar pryznałasia, što znachodzicca ŭ depresii i navat dumaje pra samahubstva.
Irłandskaja śpiavačka Šynejd O'Konar znachodzicca ŭ adnoj z balnic štata Ńju-Džersi (ZŠA) paśla taho, jak vykłała na svajoj staroncy ŭ Facebook videa, u jakim pryznałasia ŭ tym, što pakutuje ad psichałahičnych prablem i žadaje ździejśnić samahubstva. Pra heta paviedamlaje ŭ čaćvier brytanskaja hazieta The Independent.
U 12-chvilinnym videa śpiavačka raspaviała, što žyvie ŭ mateli i vymušanaja ŭ adzinočku spraŭlacca z tryma psichičnymi zachvorvańniami. Paviedamleńnie vyklikała chvalavańnie siarod jaje fanataŭ.
Paźniej na staroncy O'Konar źjaviłasia jašče adno paviedamleńnie, u jakim havorycca, što śpiavačka ŭ hety momant znachodzicca ŭ biaśpiecy i joj akazvajecca nieabchodnaja dapamoha. «Usim pryvitańnie, ja pišu ad imia Šynejd, kab paviedamić usim, chto jaje lubić, što jana ŭ biaśpiecy, — havorycca ŭ paviedamleńni. — Jana ŭ atačeńni ludziej, jakija jaje lubiać i pra jaje kłapociacca najlepšym čynam». Dzie mienavita znachodzicca śpiavačka, nie paviedamlajecca.
Šynejd O'Konar zdabyła suśvietnuju słavu paśla vykanańnia pieśni Nothing Compares 2 U, jakaja stała suśvietnym chitom. Śpiavačka taksama viadomaja ŭ suviazi sa šmatlikimi hučnymi zajavami pra prablemy ź psichičnym zdaroŭjem. U pryvatnaści, u 2016 hodzie było abvieščana ab źniknieńni śpiavački. Tady pošuki rok- vykanaŭcy vialisia niekalki dzion.
