«Hetyja adroźnieńni mohuć tłumačyć, čamu ŭ technałahičnym siektary i ŭ kiraŭnictvie žančyny nie pradstaŭlenyja ŭ roŭnaj stupieni [z mužčynami], — havorycca ŭ spravazdačy. — Nam treba pierastać usprymać adroźnieńni pamiž mužčynam i žančynaj jak seksizm».
Dakład narabiŭ niamała šumu, a sam Dejmar paśla zvalnieńnia zajaviŭ, što atrymaŭ niamała pryvatnych paviedamleńniaŭ ad supracoŭnikaŭ Google z padtrymkaj svajho punktu hledžańnia i padziakaj za toje, što nie pabajaŭsia zakranuć nastolki «palityčna niekarektnuju» temu.
Dyrektar Google Sundar Pičai skazaŭ, što temu dakładu možna abmiarkoŭvać, adnak zdahadki aŭtara abraźlivyja.
Kiraŭnictva kampanii pradkazalna adhuknułasia zajavami ab prychilnaści da palityki hiendarnaj roŭnaści. U zvarocie da supracoŭnikaŭ kiraŭnik Google Sundar Pičai napisaŭ, što aŭtar tekstu «pierajšoŭ miažu» i što jon «raspaŭsiudžvaje škodnyja hiendarnyja stereatypy ŭ kampanii».
Niadaŭna pryznačanaja vice-prezident kampanii Danieła Braŭn vykazałasia, što raznastajnaść i cikaŭnaść da pracy rabotnikaŭ — «heta klučavy elemient našaha pośpiechu jak kampanii» i Google budzie zmahacca za heta siońnia, zaŭtra i štodnia.
Krychu statystyki
Statystyčna ŭ najbujniejšych karparacyjach Kremnijevaj daliny žančyn-prahramistaŭ sapraŭdy značna mienš, čym mužčyn.
U Google tolki 19% prahramistaŭ — žančyny, pry tym, što ŭ cełym u kampanii žančyn 31%. Padobnaja situacyja ŭ Apple — 23% suprać 32%, i ŭ Facebook — 17% suprać 33%.
Pryčyn moža być niekalki. Naprykład, brytanskaja statystyka kaža, što mnohija studentki fakultetaŭ dakładnych navuk pa skančeńni ŭniviersitetaŭ nie pracujuć pa śpiecyjalnaści — takich značna bolš, čym mužčyn.
U pryvatnaści, daśledavańnie brytanskaha Karaleŭskaha chimičnaha tavarystva i Centra resursaŭ dla žančyn u 2015 hodzie pakazała, što na pieršym hodzie navučańnia 72% studentak vykazvajuć žadańnie praciahvać pracu pa śpiecyjalnaści pa skančeńni kursu. Ale pa skančeńni vučoby kolkaść žadajučych padaje da 37%. U studentaŭ mužčynskaha połu hetyja pakazčyki — 61% i 59% adpaviedna.
Na dumku daśledčykaŭ, za čas padrychtoŭki da abarony doktarskaj dysiertacyi značnaja kolkaść žančyn prychodzić da troch vysnoŭ: akademičnaja praca niepryvabnaja, dla dasiahnieńnia pośpiechu pryjdziecca pieraadoleć niepraparcyjna vialikuju kolkaść pieraškod i pryjdziecca pajści na zanadta vialikija achviary.
Mahčyma, sprava nie tolki ŭ hetym: naprykład, vialikaje daśledavańnie «Elephant in the Valley», pryśviečanaje hiendarnym prablemam Kremnijevaj daliny, vyjaviła, što 84-m pracentam žančyn, jakija tam pracujuć, kalehi vystaŭlali pretenzii ŭ tym, što tyja pavodziać siabie «ahresiŭna» i «zanadta naporysta».
«Hiendar — heta kanstrukt, jaki adlustroŭvaje nie stolki bijałohiju, kolki sacyjalnuju sistemu hramadstva, — miarkuje navukovy supracoŭnik Mižnarodnaha instytuta mihracyi i hiendarnych prablem Aksana Marhunova. — I kali ŭ pryncypie roŭnaść u adukacyi žančyn i mužčyn — heta naohuł niešta vielmi novaje, to roŭnaść pamiž žančynami i mužčynami ŭ asobnych prafiesijach — heta, napeŭna, sprava budučyni».
My čakajem pieramienaŭ!
U šmat jakich zachodnich karparacyjach isnujuć śpiecyjalnyja prahramy dla dapamohi žančynam u ruchu pa karjernaj leśvicy i abaronie ich intaresaŭ. Ale časam jany vyhladajuć jak miechaničnaje napaŭnieńnie pracoŭnych kalektyvaŭ žančynami sa spadarožnymi hetamu zajavami ab hiendarnaj spraviadlivaści i inviestycyi značnych srodkaŭ u hiendarnaje raŭnapraŭje.
Hadavy zarobak u 41 miljon dalaraŭ, jak u kiraŭnicy karparacyi Oracle Safry Katc, — dobraja nahoda ŭśmichnucca.
Tak što žančyn-prahramistaŭ u Kremnijevaj dalinie, mabyć, budzie niašmat jašče niejki čas. Ź inšaha boku, nie ŭsio tak drenna.
U śpisie najbahaciejšych kiraŭnikoŭ kampanij Fortune 500, jaki składajecca vydańniem Forbes, čatyry samyja vysokaapłatnyja žančyny kirujuć technałahičnymi kampanijami.
Kiraŭnica Oracle Safra Katc u 2016 hodzie zarabiła amal 41 miljon dalaraŭ. Bolš za 30 miljonaŭ atrymała kiraŭnica Hewlett Packard Marharet Uitman, amal stolki ž — Virdžynija Ramećci z IBM, 27 miljonaŭ zarabiła byłaja kiraŭnica Yahoo Marysa Majer.
A što ž Džejms Dejmar? Naŭrad ci Džulijan Asandž, jaki prapanavaŭ jamu pracu paśla zvalnieńnia z Google, zmoža płacić stolki ž.
