Supracoŭniki Upraŭleńnia pa baraćbie z ekanamičnaj złačynnaściu UUS Mahiloŭskaha abłvykankama i Škłoŭskaha RAUS spyniena złačynnaja dziejnaść dyrektara Škłoŭskaha UKP «Žyłkamhas», jaki ŭ krasaviku 2015 hoda ŭkłaŭ 11 damovaŭ kupli-prodažu ź minskaj kamiercyjnaj strukturaj na nabyćcio roznych tavaraŭ dla pradpryjemstva pa zavyšanych cenach, paviedamlaje pres-słužba UUS Mahiloŭščyny.
Damovy byli aformlenyja roznymi datami na sumy, jakija nie pieravyšajuć 1 000 bazavych vieličyń, što dazvalała paźbiahać praviadzieńnia kankurentnaj pracedury zakupki. Cana asobnych tavaraŭ była zavyšanaja da 13 razoŭ.
Škoda pradpryjemstvu skłała 1 073 121 149 niedenaminavanych rubloŭ.
14 žniŭnia prysudam suda Škłoŭskaha rajona były dyrektar Škłoŭskaha UKP «Žyłkamhas» pryznany vinavatym u ździajśnieńni złačynstva, praduhledžanaha č.3 art. 426 KK (pieravyšeńnie ŭłady abo słužbovych paŭnamoctvaŭ) i jamu pryznačana pakarańnie ŭ vyhladzie 5 hadoŭ pazbaŭleńnia voli z adbyćciom pakarańnia ŭ kałonii ŭzmocnienaha režymu z kanfiskacyjaj majomaści i pazbaŭleńniem prava zajmać kiraŭničyja pasady.
Takija dziejańni dyrektara «Žyłkamhasa» — nie adzinkavy vypadak, a častka maštabnaj schiemy, vyjaŭlenaj u mnohich rehijonach krainy, adznačajuć u milicyi.
