Fota Nastaśsi Roŭda
Zachodnija partniory Biełarusi nie zacikaŭlenyja abjektyŭna aceńvać vučeńni «Zachad-2017», a chočuć štučna nahniatać situacyju vakoł ich, zajaviŭ ministr zamiežnych spraŭ Uładzimir Makiej, razmaŭlajučy z žurnalistami paśla pasiadžeńnia Kansultatyŭnaj rady pry MZS pa spravach biełarusaŭ zamiežža, piša Tut.by.
Žurnalisty pacikavilisia va Uładzimira Makieja, ci spryjajuć miery, pryniatyja Biełaruśsiu pierad vučeńniami «Zachad-2017», zaspakajeńniu zachodnich partnioraŭ. Kiraŭnik MZS adkazaŭ:
— Hetyja miery spryjali b, kali b z boku našych zachodnich partnioraŭ nie było b žadańnia štučna nahniatać situacyju, kali b była ščyraja zacikaŭlenaść u tym, kab atrymać infarmacyju ab hetych vučeńniach. Kab była ščyraja zacikaŭlenaść u abjektyŭnaj acency situacyi, źviazanaj z hetymi vučeńniami. My kanstatujem, što, na žal, takoj ščyraj i abjektyŭnaj zacikaŭlenaści niama.
Ministru nahadali, što ŭčora Piatro Parašenka čarhovy raz vykazaŭ zaniepakojenaść, što padčas vučeńniaŭ «Zachad-2017» Rasija moža stvaryć udarnyja hrupoŭki na terytoryi Biełarusi dla napadu na Ukrainu.
— Užo abrydła paŭtarać, što my, Biełaruś nikoli nie pradstaŭlała pahrozu dla susiednich dziaržaŭ i nie maje namieru być takoj pahrozaj, — zajaviŭ Makiej. — Padčas majho niadaŭniaha znachodžańnia ŭ Budapiešcie na sustrečy ministraŭ zamiežnych spraŭ Vyšahradskaj hrupy i z krain «Uschodniaha partniorstva» ministry zamiežnych spraŭ Polščy i Ukrainy cikavilisia hetym pytańniem. Im byli dadzieny kankretnyja adkazy.
