U Lachavičach pry atrymańni chabaru zatrymany inśpiektar Dziaržpramnahladu, paviedamiŭ BIEŁTA aficyjny pradstaŭnik UUS Bresckaha abłvykankama Siarhiej Dučenka.
Supraćpraŭnaja dziejnaść z boku słužbovaj asoby była vyjaŭlenaja pry kantroli raschodavańnia biudžetnych srodkaŭ, vydzielenych na realizacyju dziaržaŭnaj prahramy «Enierhaźbieražeńnie» na 2016-2020 hady. Padčas apieratyŭna-vyšukovych mierapryjemstvaŭ 6 vieraśnia ŭ 12.43 kala doma pa vuł. Internacyjanalnaj u Lachavičach supracoŭniki ŭpraŭleńnia pa baraćbie z ekanamičnymi złačynstvami pry sadziejničańni AMAP zatrymali z dokazami złačynstva viadučaha dziaržaŭnaha inśpiektara Baranavickaha siektara nahladu i ekśpiertyzy Bresckaha abłasnoha ŭpraŭleńnia Departamienta pa nahladzie za biaśpiečnym viadzieńniem rabot u pramysłovaści MNS. Mužčyna atrymaŭ ad kiraŭnika adnaho z kamunalnych pradpryjemstvaŭ horada 2,6 tys. rubloŭ za spryjalnaje rašeńnie pytańniaŭ, jakija ŭvachodziać u jaho kampietencyju. Havorka idzie ab vydačy pašpartoŭ hatoŭnaści abjektaŭ da aciaplalnaha siezona.
Upraŭleńniem Śledčaha kamiteta pa Bresckaj vobłaści raspačataja kryminalnaja sprava pa č. 1 art. 430 (atrymańnie chabaru) KK. Inśpiektar zatrymany. Praviedzieny pieratrus, nakładzieny aryšt na majomaść.
