Kiraŭnik siłaŭ abarony Estonii hienerał Rycha Teras skazaŭ u intervju Estonskamu radyjo, što sapraŭdnaj zadačaj vučeńniaŭ «Zachad-2017» dla rasijskaha boku była adpracoŭka scenara vajennaj apieracyi ŭ Biełarusi na vypadak, kali naša kraina zachoča pamianiać svoj palityčny ci ekanamičny kurs.
Na dumku Terasa, «Rasija płanuje vajennyja kroki suprać Biełarusi, kali palityčnaja situacyja tam źmienicca», anałahična, jak jana rabiła toje va Ukrainie.
Pa infarmacyi Terasa, rasijskaja armija i struktury biaśpieki rychtujucca da taho, kab u vypadku nieabchodnaści «ŭmiašacca i pravieści vajennuju apieracyju ŭ Biełarusi» i što płanavańnie takoj apieracyi pačałosia ŭ 2014 hodzie.
Akramia taho, na dumku estonskaha hienierała, i «Zachad-2017», i inšyja sumiesnyja vučeńni skiravanyja na toje, kab «maksimalna źviazać biełaruskija Uzbrojenyja siły z rasijskimi» i tym samym taksama «paralizavać zdolnaść biełaruskich vajskoŭcaŭ dziejničać samastojna».
