Premjer-ministr Małdovy Pavieł Filip, vystupajučy ŭ piatnicu, 22 vieraśnia, na 72-j siesii Hienieralnaj asamblei AAN, zapatrabavaŭ vyvieści rasijskich vajskoŭcaŭ z Prydniastroŭja i paprasiŭ uklučyć adpaviedny punkt u paradak dnia hetaj siesii, paviedamlaje DW.
«My paćviardžajem, što nastojvajem na poŭnym i biezumoŭnym vyvadzie tak zvanaj Apieratyŭnaj hrupy rasijskich vojskaŭ, jakaja źjaŭlajecca pravapierajemnicaj byłoj 140-j savieckaj armii i niezakonna znachodzicca na terytoryi Małdovy», — zajaviŭ Filip. Jon rastłumačyŭ, što havorka idzie nie pra tych rasijskich sałdataŭ, jakija ŭvachodziać u skład miratvorčaha kantynhientu.
Na dumku Paŭła Filipa, urehulavańnie prydniastroŭskaha kanfliktu mahło b spryjać «pieraŭtvareńnie ciapierašnich miratvorčych sił z udziełam RF u šmatnacyjanalnuju misiju pad mižnarodnym mandatam».