Reuters.com
Urad Katałonii paviedamiŭ, što ŭ sutyknieńni z palicyjaj, jakaja sprabuje pieraškodzić praviadzieńniu refierendumu ab niezaležnaści rehijonu, paciarpieli 337 čałaviek. Katałonskija ŭłady zaklikali paciarpiełych źviartacca z aficyjnymi skarhami.
Ułady Ispanii raniej paviedamili pra 11 palicejskich, jakija paciarpieli ŭ sutyknieńniach z udzielnikami refierendumu ŭ Katałonii.
Urad Ispanii zaklikaŭ ułady Katałonii nieadkładna spynić refierendum ab niezaležnaści.
«Praciah hetaha farsu ni da čaho nie pryviadzie, jamu treba nieadkładna pakłaści kaniec», - zajaviła vice-premjer, ministr terytaryjalnaha kiravańnia Saraja Sajens de Santamaryja.
Palityk uskłała adkaznaść za toje, što adbyvajecca na katałonskija ułady. Pavodle jaje słoŭ, siły biaśpieki krainy «vykonvajuć sudovyja pastanovy i dziejničajuć suvymierna».
U niadzielu ŭ Katałonii startavała hałasavańnie pa pytańni vychadu z składu Ispanii. Madryd ličyć dadzienaje volevyjaŭleńnie niezakonnym. Pa ŭsim rehijonie pravaachoŭnyja orhany sprabujuć praduchilić plebiscyt, adbirajučy urny i biuleteni i začyniajučy ŭčastki.
