Barysaŭski BATE pieramoh doma ŭ niamieckaha «Kiolna» (mianuški — «kazły») ŭ trecim matčy hrupavoha raŭnda Lihi Jeŭropy ź likam 1:0. Hoł na rachunku Alaksieja Ryasa.
Na pieršym miescy ŭ hrupie «Arsienał» (9 bałaŭ), u BATE i «Crvieny Źviezdy» pa 4 bały, a ŭ «Kiolna» ŭsie parazy i 0 bałaŭ.
Nastupny matč u BATE znoŭ z «Kiolnam», tolki ciapier u haściach.
Barysaŭski BATE praciahvaje ŭdzieł u hrupavym etapie Lihi Jeŭropy. Siońniašni supiernik — «Kioln». Niamieckuju kamandu nazyvajuć «kazłami», bo na ich emblemie namalavanaja mienavita hetaja žyvioła.
Nahadajem, u papiarednich matčach biełaruski kłub zhulaŭ uničyju ź sierbskaj «Crvienaj Źviezdaj» (1:1), a paśla prajhraŭ «Arsienału» (2:4).
Siońniašni matč — vydatnaja mahčymaść atrymać pieršuju pieramohu. «Kioln» pravaliŭ pačatak siezona. Adna ničyja i siem parazaŭ u čempijanacie Hiermanii — voś z takim skarbam pryjechała niamieckaja kamanda ŭ Barysaŭ.
Bukmiekiery ličać abiedźvie kamandy — i BATE, i «Kioln» — roŭnymi pa kłasie, ale addajuć nievialikuju pieravahu biełarusam.
