Fota Siarhieja Hudzilina
U Biełarusi pierapracujuć arhanizacyju pracoŭnaha navučańnia i vychavańnia ŭ starejšych kłasach, paviedamili BIEŁTA ŭ pres-centry Ministerstva adukacyi pa vynikach narady z udziełam namieśnika premjer-ministra Vasila Žarko.
Minadukacyi sumiesna ź Ministerstvam finansaŭ, kiraŭnikami ŭstanoŭ adukacyi prapracujuć pytańni arhanizacyi pracoŭnaha navučańnia i vychavańnia ŭ starejšych kłasach, buduć pryniaty adpaviednyja rašeńni. Akramia taho, staršakłaśnikam padaduć pašyranyja mahčymaści prafiesijnaj padrychtoŭki pa šerahu prafiesij. Dla hetaha zadziejničajuć nieabchodnyja resursy, u tym liku i bazu prafiesijna-techničnych ustanoŭ. U Minadukacyi taksama ličać nieabchodnym ŭziać na asablivy kantrol vykarystańnie hadzin hramadska karysnaj pracy dla prafaryjentacyjnaj raboty z ulikam realnych mahčymaściaŭ ustanovy adukacyi, zapytaŭ navučencaŭ, patrebaŭ rynku pracy, zapatrabavanaści prafiesij.
Padčas narady Vasil Žarko padkreśliŭ, što jakaść pracoŭnaha navučańnia i vychavańnia ŭ škole nieabchodna pavyšać.
«Liču, što na siońniašni dzień pracoŭnaje vychavańnie stračana. Navučalnych hadzin u bazavaj škole vidavočna niedastatkova.
Nie kažučy ŭžo pra 10-11 kłasy, dzie hetyja hadziny na pracoŭnaje navučańnie naohuł nie praduhledžany. U Kodeksie ab adukacyi taksama nie prapisana pracoŭnaje navučańnie ŭ starejšych kłasach. Hetaje pytańnie treba pradumać. Što tyčycca źmiestu vučebnaha pradmieta «Pracoŭnaje navučańnie», to jano pavinna być maksimalna praktyka-aryjentavanym i nie adstavać ad žyćcia», - skazaŭ vice-premjer.
