Žychar Kryvoha Roha Valeryj Leŭčanka adkryŭ dostup da bieta-viersii anłajn-servisu «Pisiec», jaki hienieruje rukapisny tekst na asnovie elektronnych dakumientaŭ.
Sioniašni prahnoz nadvorja z NN u viersii «Pisca»
Raspracoŭščyk zaviaršaje etap beta-testavańnia, ale jahonuju pracu ŭžo moža acanić luby žadajučy. Servis moža asabliva być zapatrabavany tymi studentami, čyje vykładoŭcy dahetul stasujuć sumnieŭnuju praktyku «dopuskaŭ za makułaturu», to bok vymahajuć papiarovych kanśpiektaŭ na zalikach i ispytach.
U adroźnieńnie ad raniej stvoranych techničnych rašeńniaŭ prablemy studenckaj lanoty na lekcyjach, «Pisiec» hienieruje tekst z roznymi pamyłkami, kab jon vyhladaŭ maksimalna realistyčna. Pravierka pakazała, što prahrama navat ŭličvaje naturalny nachił tekstu pry piśmie pravaj rukoj.
Pa słovach aŭtara, paśla zapusku poŭnafunkcyjanalnaj viersii z roznymi rukapisnymi šryftami, servis zastaniecca biaspłatnym. Jak pakazali testy, «Pisiec» taksama razumieje ukrainskuju, biełaruskuju movy - i ŭsie znaki łacinskaha ałfavitu.
Zaraz karystalnikam dastupny tolki bazavy hienieratar tekstaŭ, adnak u relizie taksama źjavicca niekalki vidaŭ raźlinovak dla lista A4 (kletka, linii i arkuš dla spravazdač, aformleny pavodle dziaržstandartu). Sam aŭtar adznačaje, što pry žadańni možna naładzić druk i niepasredna na sšytkavych listach. Pierajści na servis «Pisiec» možna pa spasyłcy.
Hatovyja «kanśpiekty».
