Dla redahavańnia ŭžo adpraŭlenaha paviedamleńnia treba navieści kursor na jaho i nacisnuć na piktahramu z ałoŭkam, jakaja źjavicca sprava.
Paśla adkryjecca akno redahavańnia, dzie možna źmianić tekst paviedamleńnia. Dla zachavańnia źmianieńniaŭ treba nacisnuć na ptušačku sprava.
Adredahavanaje paviedamleńnie budzie paznačanaje «(red.)», što ŭ sprečnych momantach stanie dokazam taho, što sutnaść pierapiski mahła być źmienienaja adnabakova.
Akramia taho, zaraz dla dadavańnia karystalnika ŭ čat nieabaviazkova papiarednie dadavać jaho ŭ siabry. Zamiest hetaha možna adpravić jamu spasyłku dla zaprašeńnia. Funkcyja dastupnaja dla stvaralnikaŭ razmovy ŭ mieniu. Kali ž spasyłku anulavać, zaprašeńni pierastanuć pracavać.
Novyja funkcyi pakul nie dastupnyja dla mabilnych dadatkaŭ, ale mohuć źjavicca razam ź bližejšymi abnaŭleńniami.