Biełarusy!
Jany zmahalisia za svabodu svaju i Ajčyny! Jany nie čakali ni ad kaho dapamohi! Jany samyja vyrašali svoj los! Jany pakłali svaje žyćci za Biełaruś, za nas, za ciabie!
Dzievianosta siem hod tamu, 27 listapada 1920 hodu, raspačaŭsia Słucki Zbrojny Čyn. Našy prodki vystupili na zmahańnie za svaju dziaržavu — Biełaruskuju Narodnuju Respubliku. U boj rušyli Słucki i Hrozaŭski pałki Pieršaj Słuckaj Bryhady Strałkoŭ BNR. Da ich dałučylisia biełaruskija častki armii Hienierała Stanisłava Bułak-Bałachoviča, jakija raniej bilisia pad Mazyrom - Biełastocki bataljon i Smalenski połk, a taksama partyzanskija atrady «Zialonaha Duba».
Niekalki tysiač paŭstancaŭ na praciahu miesiaca davali adpor balšavickaj navale. Apošnija atrady syšli z pola bitvy tolki ŭ studzieni 1921 hodu. Partyzanskija atrady pradaŭžali zmahańnie jašče niekalki hadoŭ.
Svaja Respublika naradžałasia ŭ kryvavych mukach, ale naš biełaruski rodny duch, jaki tady ažyŭ, nie zhasaŭ. Na pole bitvy ŭ śled za słučakami vychodzili nastupnyja pakaleńni zmaharoŭ za Biełaruś.
27 listapada — ichny dzień: Dzień Hierojaŭ. Tamu ŭ zaklikajem usich, chto nosić imia biełarusa, hodna śviatkavać hety Dzień, uspaminać našych Hierojaŭ i štohod stavić u aknie śviečku. Niachaj jaje ahienčyk sihnalić Zmaharam, što ŭ hetaj chacie pomniać ich Čyn.
Žyvie Biełaruś!
Aleś Kraŭcevič, Biełaruskaje Histaryčnaje Tavarystva
Aleh Łatyšonak, Biełaruskaje Histaryčnaje Tavarystva ŭ Polščy
Anatol Michnaviec, Biełaruskaja Nacyjanalnaja Pamiać
